(१) सालबसाली पेश्की खर्च ऐन वा विनियोजन ऐन जारी भएपछि अर्थ मन्त्रालयले दिएको अधिकारको आधारमा स्वीकृत बजेट विवरण अनुसार महालेखा नियन्त्रक कार्यालयले तोकिदिए बमोजिम कोष तथा लेखा नियन्त्रक कार्यालयले सम्बन्धित कार्यालयको नाममा सञ्चित कोषबाट रकम निकासा दिनेछ ।
(२) कोष तथा लेखा नियन्त्रक कार्यालयले उपनियम (१) बमोजिम सञ्चित कोषबाट रकम निकासा दिंदा त्यस्तो निकासा भएको रकम सम्बन्धित कार्यालयको नाममा खोलिएको बैङ्क खातामा जम्मा हुने गरी दिनु पर्नेछ ।